Monthly Archives: March 2014
Smart Contact Lens
Pichlay dino google ne contact lens banane ka Aelaan kiya jo Ansoun ya Ankhon ki nami main glucose ki maqdaar janchega,
yeh Ejaad duniya bhar main diabetes ke patients ke liye nihayat faida mand sabit hogi kyun ki contact lens main lagay ek chote se gluco meter aur wireless transmitter ki wajah se ab diabetes ke patient apni ungliyaan shedne se bach jayenge.
Diabetes ke patients ko baaz Ouqaat din main kafi martaba apni diet ke lihaz se blood main sugar ki miqdar maloom karne ki zaroort paish Aati hai iss ke liye patient ke jism se mamooli miqdar main blood nikal kar makhsoos tool se iss main glucose ki janch ki jati hai
Iss contact lens ki tayyari main google ko 18 maah ka arsa laga hai google duniya main technology ki madad se inqlabi tabdeeliyaan laane ke liye apni khidmaat anjaam de rha hai aur iss maidaan main mukhtalif tajurbaat kar rha hai
Iss lanse ki tasveer per investigation ka silsila chand baras pehlay university of washington main bhi start hua tha aur project per national science foundation ke tehat experiences hue thy
Iss ke elawa bhi mukhtalif department diabetes se relate chote tools ready kar chukay hain,
Google ki yeh ejaad ek normal contact lens ki tarah hai lekin apne kaam ke Aitbaar se nihayat eham hai lens ki teho ke darmiyaan glucose sensor hoga
Sensor ke sath hazaroon bareek transmitter moujood hain iss ke elawa lense main baal se bhi bareek ek antenna moujood hai-chip aur sensor ek zarry ke brabar hain lense main lage tools fiza main moujood lehroon se tawanai hasil karte hain
In intehai bareek tools aur wires ko apas main munsalik karna nihayat mehnat talb kaam tha isey glucose napnay wala sub se chota meter kaha ja sakta hai scientist yeh koshish bhi kar rhe hain ke lense main aesi choti lines lagai jayen jo glucose ki maqdaar mamool se kam ya zyada hone per warning jaari karen,
Ankhon main lagaye jane per yeh lense batayega ke blood main sugar kitni hai aur ab patient ki dawa ka waqt ho gaya hai ya usey metha khane se parhez karna hai
yeh lense har second per glucose ki maqdaar janch sakengey iss se relate ibtedai experiences complete ho chukey hain ta’hum isse 5 saal baad market main laya ja sakega lekin khamiyaan bhi samne aai hain jinhain door kiya jayega
scientist ki iss koshish ko sarahne ke sath mahreen sehat ne iss bat per zoor diya hai ke tool ki madad se drust or bar’waqt maloomat ko yaqeeni banana hoga iss main kisi qism ki galti aur nuks ki gunjaish nahi..
Security Khadshaat Ke Bais Mazar-e-Quaid Main public Entry bund
Karachi: Security khadshaat ke peshe nazar Mazar-e-Quaid main ta’hukum sani cars aur bikes ki entry per pabandi kar ke police aur rangers ki nafri ko tainaat kar diya gaya jabke 3 din tak public entry per pabandi aaid kardi gai hai,
Report ke mutabiq Mazar-e-Quaid Security khadshaat ke peshe nazar police aur rangers ki bhari nafri tainaat kardi gai hai iss hawale se SHO brigade gulam nabi afridi ne tasdeeq karte huwe bataya hai ke ibtedai tor per Mazar-e-Quaid ke ander cars aur bikes ki entry per ta’hukum sani pabandi aaid kar di gai hai jabke Mazar-e-Quaid aane walo ko kisi bhi qism ka thela ya bag lekar aane per pabandi hogi,
police officers ka kehna hai ke Mazar-e-Quaid ki parking area main car ya bike ke zariye dehshat gardi ke mumkina hamle ki information mili hain jis ke bais sakht hifazati iqdamaat kiye gaye hain
Mazar-e-Quaid ko 3 din ke liye public entry per pabandi aaid ki gayi hai brigade police ka kehna hai ke Mazar ki intezaamiah se baat cheet chal rhi hai aur mushawarat ke baad mazeed security ka jaiza lete huwe mazeed iqdamaat kohatmi shakal di jayegi
Lahore main bhi Mazar-e-Iqbal ko security khadshaat ki waja se bund kar diya hai,
karachi Main Matric Aur Inter Ke Exams Ke Douran Dafa 144 Nafiz
Karachi: Sindh Government ne matric aur intermediate ke exams ke moqe per dafa 144 nafiz karte huye intehani marakiz ke qareeb photocopy state machines chalane per pabandi aaid kardi,
Report ke mutabiq sindh government ne karachi main ainda maah start hone wale matric aur intermediate ke exams ke moqe per copy ke khaatmay ke liye dafa 144 nafiz kardi hai,
iss ke tehat imtehani marakiz ke itraaf 100 matric tak 4 se zaid gair mutalqa afraad ke jama hone per pabandi hogi iss ke elawa imtehani marakiz ke qareeb photocopy state machines ke istamaal per bhi pabandi hogi,
Iss moqe per kissi bhi soorat-e-haal se nimatne ke liye sindh government ne police aur rangers ko bhi khusoosi ahkamaat jari kiye hain aur agar koi bhi inn exams ke douraan garh barh karta paya gaya to uss ke khilaaf muqadma bhi darj kiya jayega,
Lahore Airport Per PIA Ki Madina Se Aane Wali Parwaz Ki Emergency Landing
Lahore: Ba-kamaal log la-jawab service PIA ki madina se aane wali parwaz ki allama iqbal international airport per hangami landing,
Report ke mutabiq PIA ki parwaz madina airport se 500 passengers ko lekar Aa rhi thi ke douran-e-parwaz plane ka front wheel jam ho gaya jis per pilot ne control tower se contact ke baad airport per emergency nafiz kardi gayi,
plane ki emergency landing ke baad androon aur bairoon mulk jane wali deegar flights ka schedule bhi mutasir ho gaya jabke mutasira plane ko runway se trolley ki madad hataya gaya,
Pakistan Apne Mulk Se Shar-Pasando ka Safaya Karey:Iran
Tehran: Iran ne pakistan se kaha hai ke magvi irani sarhadi muhafizeen ke qatal ki khabrain drust hain to sarkari tor per aelaan kiya jaye aur pakistan apne mulk se shar-pasando ka safaya karey,
Irani team sarkari news department se baat karte hue irani vazeer-e-dakhla Hussain Ali ameeri ne kaha hai ke pakistani government ko iss ki sarzameen per irani forcies ke noujwaan ki halakat ke bare main sarkari tor per mouqaf akhtyaar karna chahye,
jaish al-adl nami dehshat gard groups ke hathon ek irani sarhadi jawaan jamshed danayi far ki halakat ki khabar drust hui to iran aur pakistan ke safaratkaroon ke darmiyaan jaari guftagu per munfi asar parega,
Unhone kaha ke irani government vazeer-e-dakhla parliamentarians aur deegar security idaray magvi security guards main se ek ki halakat ke baray main investigation kar rhe hain,
Gold Mian Fee Tola 200 rupy kami: Gold 51,200 ka ho gaya
Karachi: Aalmi market main gold ki qeemat main kami ke baad maqami bazaar main 10 gram sona 171 rupy aur fee tola 200 rupy sasta ho gaya,
Aalmi market main dollar ki qeemat main izafay ke baad sone ki qeemat main numayaan kami dekhi gayi,
London main sone ka fee ounce rate 10 dollar kami se 1,320 dollar tak gir gaya iss kami ka asar maqami sarafa bazaar main bhi hua,
Jahan 10 gram qeemat 171 rupy kami se 43,885 rupy per agayi aur fee tola sona 200 rupy sasta hokar 51200 ka ho gaya..
Software Export board Ki 160 Noujawaano Ko Intership Per Mulazmat Ki peshkash
Islamabad: Pakistan software export board ( P S E P ) ne national ( I C T ) intership program ke tahet 160 noujawaano ko information technology ( I T ) aur telecom companies main batoor interni mulazmaton ki peshkash ki hai,
Yeh program national IT research nad devlopmint fund ke tahet start kiya ja raha hai P S E P 16 saal ke graduate 300 noujawaano per mushtamil ek batch ko interni ke tour per rozgaar faraham kar chuka hai jointership ki muddat kamyabi se mukammal kar chukey hain,
P S E P ke hakkam ne bataya ke program ke tahet P S E P ne marhala war 4 maah ki muddat ke liye 800 graduates appoint karne hain jabke graduates ko traning complate karne ke baad interni noujawaano ko 16 hazar monthly payment bhi ada karta hai,
T20 World Cup: Kohli Aur Raina Ne India ko Jitwa Diya
Bangladesh main khelay jane waley T20 world cup ke ek important match main india ne pakistan ko 7 wicket se khikast dedi virat kohli aur suresh raina ne apni team ki fateh main acha kirdar ada kiya,
Mirpur: mirpur ke sher bangla stadium main khelay ja rhe ek eham match main india ne pakistan ke khilaaf toss jeet kar pehlay fielding ka faisla kiya tha jo intehai sood mand sabit hua,
Indian bowlers ne apni bowling se kisi bhi pakistani player ko jam kar khelne ka moqa faraham na kiya aur pakistani team ne total 20 overs main india ko 7 wicket ke nuqsaan per 131 ka target diya jo indian players ne buhat asaani se pora kar liya,
Suresh raina aur virat kohli ne shandaar partnership ki badoulat team main eham kirdar ada kiya virat kohli ne 36 jabke suresh raina ne 35 runs ke sath not out ki innings kheli
American Dollar interbank Mian Ek Saal Ki kam Tareen Sateh Per
Karachi: Exporters ki janib se hukumat per dabao ke ba-wajood guzishta roz zare-mubadla ki dono mandiyon main american dollar ki qadar main kami ka rehjan dekha gaya hai,
Interbank market main pakistani rupy main 0.90 fesad izafa hua aur dollar ki qadar 89 pesy ki kami se ek saal ki kam tareen sateh 98.20 rupy per agai,
currency dealers ke mutabiq open market main dollar ki qadar 100 rupy se ghatt kar 99 rupy 50 pesey per band hui,
Sirf 30 Seconds Mein Bemari Ka Pata lagane Wali Machine Tayar
famous japani company toshiba ne ek aesa unit tayar kiya hai jis ki madad se sirf 30 seconds main insaani jism main moujood mukhtalif bemariyoon ka pata lagaya ja sakta hai jis main bil-khusoos diabetes aur pait ke masail shamil hain,
Kisi bhi insaan main moujood bemari ke baray main sirf 30 seconds main information dene walay iss unit ka size sirf ek dish washer ke brabar hai aur iss unit ko istamaal karne ka tariqa nihayat hi Aasan hai,
Iss unit main ek nozal moujood hai jis ke zariye insaan saans muntaqil karega aur sirf 30 seconds ke mukhtasir se waqfay main uss ke jism main moujood bemariyoon ka pata chal jayega,
