Monthly Archives: March 2014

LPG Ki Qeemat Main 5 Rupy Fee Kilo Izafa

Lahore: LPG marketing companies ne ogra ke hukum ke ba-wajood liquefied petroleum gas ki qeemat main 5 rupy fee kilo izafa kar diya hai,

Report ke mutabiq LPG marketing companies ne LPG ki qeemat main 5 rupy fee kilo izafa kar diya hai jis ke baad gharelo slender ki qeemat main 60 rupy jabke commercial slender ki qeemat main 240 rupy izafa ho gaya hai,

LPG ki qeemat main 5 rupy fee kilo izafey se ab lahore,karachi,islamabad,rawalpindi,multan,hyderabad,sukkur,gujranwala,gujrat,sialkot,aur peshawar main LPG 125 rupy fee kilo tak dastiyaab hogi jabke pahari elaqoon main LPG ki qeemat 145 rupy fee kilo ho gayi hai,

World T20 Warm up Match Pakistan Ne New zeland ko 7 Wicket se Hara diya

Dhaka: World T20 warm up match main pakistan ne new zeland ko 7 wicket se shikast dedi,

pakistan ne total score over ki 4th ball per hasil kiya-dhaka main khely jane waly match ka toss new zeland ke captain brendon mccullum ne jeet kar betting ka faisla kiya,

New zeland ne 20 overs main pakistan ko 146 ka target diya- new zeland ke captain brendon mccullum ne 59 runs banaye aur Colin Munro ne 20 aur Martin Guptill ne 11 runs banaye pakistan ki janib se Umer Gull ne 3 Muhammad talha ne 2 Saeed Ajmal Sohail Tanvir Bilawal Bhatti ne 1,1 wicket hasil ki,

Jawab main pakistan ne total score 3 wicket ke nuqsaan per last over ki 4th ball per poora kar liya pakistan ki janib se opnar ne shandaar Aagaz farahm kiya Sharjeel Khan sirf 12 runs bana kar out ho gaye,

Iss ke baad muhammad hafeez aur kamran Akmal ne zimedarana betting karte huwe half centuries banai Muhammad hafeez ne 55 aur Kamran Akmal ne 52 runs banaye,

Interbank Mian Dollar 98 Rupy 92 pesy ki Sateh Per Agaya

Karachi: Rupay ke muqably main american dollar 98 rupy 92 pesy ki  sateh per agaya hai,

Guzishta kuch dino se rupy ki qadar main tezi se izafa hua hai aur dollar ki qadar har guzarte din ke sath kam hoti ja rhi hai,

Report ke mutabiq interbank market main trading ke douraan ek maqaam per dollar 45 pesy ki kami ke bad 98 rupy 95 pesy ki  sateh per dekha gaya,

Iqtesadi tajzia karon ke mutabiq markazi bank ki janib se rupy ko mazeed mustahkam karne k liye sharah sood ko 10% per barqaraar rakha gaya tha jis ke asraat numayaan ho rhe hain,

Cricket Awards Afridi 2013 Ke Behtreen One Day Bowler Qaraar

Dubai: Maroof cricket website ”cricinfo” ke awards main pakistani all rounder shahid afridi ne 2013 ke bahtreen one day international bowler ka title jeet liya,

Shahid Afridi ko yeh title west indies ke khilaaf 14 july ke 5 matches per mushtamil series ke pehlay one day main 12 runs per 7 wickets hasil karne ki bahtreen performance per diya gaya,

Iss match main afridi ne apni Betting ke johar bhi dikhaye aur 55 balls per 76 ki inning kheli thi, yeh afridi ka 2nd ”cricinfo” award hai woh issi category main 2009 main bhi aizaaz ke haqdaar ban chukay hain,

Mulk Bhar Mian 60 Lakh Gair Registered Mobile Phone Sims Block Kardi Gaien

Islamabad: Pakistan telecom authority (PTA) ki hidayat per mulk bhar main 60 lakh se zaid gair registered mobile sims ko block kar diya gaya,

Report ke mutabiq Pakistan telecom authority ki hidayat per mobile phone operators ki janib se 60 lakh se zaid mobile sims block kardi gayi hain,

band ki jane wali tamaam mobile phone sims nadra ke wazeh karda nizaam se pehlay jaari ki gaien thin jabke PTA ki janib se mobile operators ko hidayat ki gai hai ke gair qanooni sims block karne ke amal ko mazeed tezz kiya jaye,

Wazeh rahay ke iss waqt pakistan main tamaam mobile operators ki janib se jaari karda 13 karoor se zaid sims istamaal ki jarahi hain taa’hum gair registered sims ke istamaal se milk main juraim aur dehshat gardi ki wardatoon main izafa ho raha hai..

Karachi Main Mukamal Aman Ki bahali Tak oppration Jaari Rahega

Karachi: Wazir-e-Azam nawaz sharif kehte hain karachi main mukamal aman ki bahali tak oppration jari rahega tarriqi ke liye inteha pasandi aur dehshat gardi khatam karna hogi,

Awaan-e-sanat-o-tijarat ki export trophy award ki taqreeb se khitaab karte huwe wazir-e-azam nawaz sharif ne kaha ke milk ki tarriqi ke liye dehshat gardi aur inteha pasandi ka khaatma karna hoga,

Unhoon ne kaha ke karachi pakistan ka dil hai yahan juraim ke khaatme tak oppration jaari rahega jis per haal taaliyoon se gonj utha aur unhoon ne kaha k khushi ki bat ye hai ke bad-amni ke khilaaf MQM aur sindh ki deegar syasi jamaiten aur tajir ek hain wazir-e-azam nawaz sharif ka kehna tha ke tajiroon ke masail ko tarjeehi bunyadoon per hal karenge,
Ab khushkhabriyaan milna shuru ho gai hain aglay 8 se 10 baras main system main 1000 megawatt bijli shamil karne ka mansoobay lagaye jayenge,
wazir-e-azam ne kaha ke cheen ne thar main koylay se chalne walay 600 megawatt ke 10 power plant lagane ka faisla kar liya hai jabke 1100 megawatt ke 3 sool new clear power plant bhi lagaye jayengay
Iss moqay per wazir-e-azam ne karachi chamber ke mukhtalif bar-amad kandgaan ko business main awards aur gold medal bhi diye..

Quetta Main Zordar Dhamake Se 10 Afraad Jaan Bahaq 37 Zakhmi Ho Gaye

Quetta ek bar phir zordar dhamake se gonj utha shiddat pasandon ne iss bar nishana banaya quetta ke sceince collage chowk ko,

Dhamake se Aas-pas ki buildings ke sheesahy toot gaye aur 1 bus 2 raksha 4 gariyon aur 4 motor bikes ko bhi nuqsaan poncha,

police ke mutabiq bomb dhamake main 8 se 10 kg baroodi mawad istamal kiya gaya jisey ek motor bike main nasab kiya gya tha,

dhamakay ke baad imdaadi teams ne moqay per ponch kar zakhmiyon ko hospital muntaqil kar diya Dhamakay ke bad security forces ne elaqay ko gherey main leliya Jabke BDS ne elaqay ki scanning start kardi,

Nepra Ne Awaam Per Mehngai bumb Giratay Huay Bijli 2 Rupy 24 pesey fee Unit Mehngi Kardi,

Islamabad: Nepra ne distribution companies ki application per bijli ki qeemat main 2 Rupy 24 pesey fee Unit ezafay ki manzoori dedi,

Distribution Companies ki janib se nepra ko bijli ki qeematon main ezafay ki application ki thi jis per nepra ne january 2014 ke liye fuel adjustment surcharge ki madd main bijli ki qeemat main 2 Rupy 24 pesey fee Unit ezafay ki manzoori dedi,

Bijli ki qeemat main haaliya ezafay ka itlaq karachi electric supply corporation ( KESC ) ke ilawa mulk ki tamaam distribution companies per hoga jo sarfeen se next bill main wasool kiya jayega..

MQM Aur People’s party ke Muzakrat Eham Mor Per Agaye,

Karachi: Intehayi ba-aitmaad zaraye ke mutabiq MQM ke jald sindh government main shamooliyat ke hawalay se muamlaat hatmi marahil main dakhil ho chukay hian aur iss silsilay main People’s party aur Mutahidda ke darmiyan pas-parda rabtoon main bhi taezi agayi hai,

Zaraye ke mutabiq dono parties iss baat per agree ho gayi hain ke sindh ki tarraqi awaam ke masail aur deegar umoor ke liye mushtarka koshishain ki jayengi,
Zaraye ka kehna hai ke MQM ki sindh government main mumkina shamooliyat ke hawalay se party workers se raye bhi talab ki ja sakti hai,
Zaraye ka kehna hai ke in rabtoon se sindh main baldiyati nizaam specially moujoda baldiyati idaroon ko tarraqyati funds ke ajraa karachi, hyderabad, aur deegar districts ke baldiyati masail sameet mukhtalif umoor per gour kiya ja rha hai aur People’s party ki janib se MQM ki qayadat ko inform kiya gaya hai ke dono parties ke rehnumaoun main jab ba-zabta mulaqat hogi to karachi oppration ke hawalay se MQM ke tahafuzaat ko marhala war door kiya jayega aur jo ziyadatioun ki complaints hain unka azala kiya jayega,

Zaraye ka kehna hai ke sindh main moujoda siyasi soorat-e-haal per People’s party aur MQM ke pas-parda rabtoon ko buhat eham qaraar diya jayega…

Waqar Younus Ko Bangladesh Ke Bowlers Ko Traning Deney Ke Liye 60 Lakh Rupy Fee Season Milengay,

kolkata: Pakistan ke sabiq azeem fast bowler waqar younus Ko bangaal Ke Bowlers Ko Traning Deney Ke Liye ek Season ke 60 Lakh Rupy Milengay,

Un ke sath 3 saal ka agreement kiya gaya hai jo 15 july se start hoga.
cricket Association of bangaal ne sabiq Sri Lankan spin star murali dharan ki bhi khidmaat same agreement pe ki gayi hai,

India ke sabiq captain sourav ganguly chief batting consultant hongay ibtidai tor per waqar aur murali dharan ko different clubs ke 200 larkon ke sath kaam karna hoga,
ganguly ke iss mansoobay ka maqsad bangaal se talented players ko samne lana hai..

News
Karachi
March 2014
M T W T F S S
    Apr »
 12
3456789
10111213141516
17181920212223
24252627282930
31