PIA January Mein Mazeed 5 Jahaaz Bairay Mein Shaamil Keregi

Islamabad: PIA January Mein Mazeed 5 A-320 Jahaaz Apne Bairay Mein Shaamil Keregi Jab’kay March Tak 777 Bowing Tayyaray Bhi Leas Par Liye Jane Ka Imkaan Hai.

Bavsoq zaraye ke mutabiq PIA ko 5 A-320 jahaaz 4 January ko mileinge jo PIA ke bairay mein shaamil honge.

PIA ne naye tayyaray 5 se 7 saal ki leas par haasil kiye hain aur un par qaumi airline ka apna amlah hoga.

Is ke ilawa qaumi airline 777 bowing tayyaray leas par lenay ke liye bhi mukhtalif companies se mazakraat kar rahi hai jo March tak PIA ke bairay mein shaamil kiye jane ka imkaan hai.

PIA ke kal 35 tayyaron mein se is waqt 27 functional hain.

Fazai bairay mein naye tayyaron ki shamoliat se un mumalik mein PIA ki service bahaal ho jaye gi jin mumalik ne PIA par pabandi aed kar rakhi hai.