Business

Customs Department Ne Mobile Phone Ke 150 Consignment Rook Liye

Islamabad: Custom Authorities ne mobile phones ki 150 Consignments rook li hain- Pakistan Telecommunication Authority PTA ki clearance report jama na karane per custom authorities ne yeh action liya hai,

Customs intelligence officials ne guzishta ek maah ke douraan china ke mobile phones ke clear kiye jane walay Consignments ki Investigation ka hukum de diya hai

Customs Authorities ko Investigation ka hukum PTA ke Fake NOC per Consignments clear karne per diya gaya hai

Security agencies ki janib se kayi martaba report di gayi thi ke customs authorities chaina se dar-Aamad kiye janay walay mobile phones ke IMEI numbers ki checking nahi karte jis ki wajah se mobile ki Aamad se mataliq aur tadaad ke baray main tazaad peda hota hai,

Dehshat-gardi bhatta khori aur deegar crime ki rook tham ke liye chaina ke mobile numbers ke bund karne main bhi Security agencies ko mushkilaat ka samna karna parta hai..

3G Aur 4G Licenses Neelaam hote he Services Ki Aazmaish Shuru

Karachi: 3G 4G  Technology ke Licenses ki kamyaab neelami ke baad telecom industry main sargarmiyan urooj per ponch gaien hain,

Licenses hasil karne wali companies ne baray shehron main Trial basis per Users ko free 3G service ki farahmi shuru kardi hai jis ke baad maqami market main smart phones ki Sale main numayaan izafa ho gaya hai,

3G Licenses hasil karne wali ek European Company numainday ne bataya hai ke inn companies ne baray shehron main apne users ke liye Trial basis per 3G ki free service ka Aaghaaz kar diya hai,

Unhone bataya hai ke iss service ki farahmi ka maqsad 3G nerwork per load ka andaza lagana hai jis se service quality ko behter rakhne main madad milegi,

Unhone ne bataya hai ke 3G network per abb tak ke bahtreen nataij hasil ho rahe hain baray shehron main tamaam 3G sale site on kardi gaien hain aur users ko Via SMS inform kar diya gaya haike woh 3G ki free Trial service se Use kar sakte hain iss maqsad ke liye users ko ek Information number bhi jaari kiya gaya hai jis per SMS kar ke User maloom kar sakte hain ke unn ke area main Trail 3G Available hai ya nahi,

Mobile market ke zaraye ka kehna hai ke 3G Licenses ki kamyab neelami ke baad smart phones ki talab main gair mamooli izafa ho gaya hai,

Users ki bari tadaad ainda budget main smart phones per tex lagaye jane ke khadshaat ke sabab fori-tor per smart phones ki kharidari ki tarjeeh dy rahi hai jabke companies ki janib se users ko Trial basis per free 3G ki farahmi ne bhi smart phones ki talab barhane main eham kirdar adda kiya hai,

Industry zaraye ka kehna hai ke 3G service ki marketing ke liye heavy budget mukhtas kiye gaye hain.
Print aur electronic media ke sath large media per bhi multi expenses kiye ja rahe hain jis se advertising ki industry main bhi activities teez ho gaien hain,

Shehar main 3G aur 4G service se mutaliq banners aur display hoardings kiye ja chukay hain jis se rozgaar ki farahmi ke liye new technology se wabista umeedain poori hona shuru ho gaien hain..

Utility Stores Corporation Ne Ramzan Package Per Kaam Shuru Kar Diya

Islamabad: Utility stores Corporation ne ramzan package 2014 ki tayari per kaam shuru kar diya hai,

Federal government ne iss saal Ramzan-Ul-Mubarak ke liye 2 Arab rupy ka relief package dene ka faisla kar liya hai

Utility stores corporation ke tarjumaan Wajid Khan Sawati ne bataya hai ke Ramzan-Ul-Mubarak main Federal government ki janib se Low Income Classes ke liye Utility stores ke zariye Subsidies ki farahmi ashiyae zaroorat ki Pricing stock ki dastiyabi aur supply se Schedule amal ke barey main tajaveez tayar ki ja rahi hain,

Tarjumaan ne bataya hai ke Ramzan package ke tahet , Aata , Ghee , Daal , Besan , Chai ki Patti , aur Mashroobat samait mukhtalif ashiyae zaroort discount rates per faraham ki jayengi,

1st May Se Petrol 1 Rupy Aur Diesal 1.22 Rupy fee Liter Sasta Hone Ka Imkaan

Islamabad : Mehangayi se behaal awam ke liye choti si khush-khabri 1st may se petrol 1 rupy aur diesal 1.22 rupy fee liter sasta hone ka imkaan hai,

Zaraye ke mutabiq 1st may se Petroleum masnoaat ki qameeton main kami ka imkaan hai.

Petrol ki qeemat main 1 rupy fee liter kami ka imkaan hai. Hi-speed diesal ki qeemat main 1.22 fee liter , light diesal ki qeemat main 1.20 fee liter ki kami ka imkaan hai,

jabke Hi-octain 2 rupy fee sasta ho sakta hai aur matti tail ki qeemat 1.33 fee liter kami ka imkaan..

3G Aur 4G Technology Ke Liye 4 Mobile Companies Ne Qualify Kar Liya

Islamabad: 3G Aur 4G mobile technology ke liye 4 companies ne qualify kar liya. Modern Technology ki neelami 23 april ko hogi,

Report ke mutabiq PTA hakkam ka kehna hai ke 3G aur 4G technology neelami ki offers ke sath 200 million dollars ki raqam mousool hui ho gai hai jo naqabil-e-wapsi hai,

Technology ki neelami ke liye qualify karne wali companies main , Mobilink , Telenor , Chaina Mobile Zong , aur Ufone shamil hain,

Inn 4 companies ke elawa kissi Foreign company ne neelami main Offer jama nahi karawai PTA ke hakkam ke mutabiq neelami main 3G mobile technology ke 3 aur 4G ke 2 License diye jayengay,

Iss se pehlay islamabad main Senator Zahid Khan zere-sadarat Senate ki qaima committee IT aur telecom ka ijlaas hua jis main Senate ki Sub-Committee ka kehna tha ke 23 april ko neelami ka amal Cancel kiya jaye kyu ke 3G ki neelami ke liye qanooni taqazay poray nahi huwe,
Committee ke mutabiq Ufone ko boli main hissa lene se roka jaye aur government PTA authority ka quorum poora kare,

Committee ke member Faisal Raza Abidi ka kehna tha ke iss bat ko yaqeeni banaya jaye ke Ufone 3G aur 4G ki neelami main hissa na ly,

Unhone kaha ke hum ek cheez sell karna chahen aur aur hamara apna idara he usay purchase kare yeh mumkin nahi,

Hum 3G aur 4G ki neelami rokna nahi chahte sirf zaroori kaam pore kar diye jayen Committee ne 3G aur 4G spectrum ki neelami alag alag karne ki bhi safarish ki,..

Pakistan SAARC Insurance Regulators Forum Ka Chairman Select

Karachi: Chairman Insurance (SECP) Mohammad Arif ko SAARC ke 2nd insurance regulators ke ijlaas main tashkeel hone wali Regulators Forum Ka Chairman Select kar liya gaya hai,

Ijlaas main hone waly delegates ne visa ke amal main narmi aur SAARC countries ke darmiyaan wasail aur staff ke easy exchange per bhi gour kiya,

Cooperation ki raah mazeed mazbot karne ke liye chamber of commerce and industry per bhi soch bichar kiya gaya SAARC Regulators ijlaas main Pakistan , Bangladesh , Sri lanka , Nepal , bhootan , aur Maldep , samait turkey and kenya etc. ke regulatory authorities ne shirkat ki,

Ijlaas main Insurance ke area ki development ke liye SAARC countries ke liye ek secretariat ki tashkeel ki tajveez bhi pesh ki gai jis ke tehat 2 Committees banai gaien jin ka maqsad 3 maah ke ander secretariat ke structures aur collaboration ke areas per apni ibtedai report pesh karna hai ta’ke 6 maah ke ander inn tajaveez per amal kiya ja sakey,

Insurance board of Nepal ke chairman doctor fateh bahadur ne pesh-kash ki ke ainda SAARC countries ijlaas kathmandu main munqaid kiya jaye. issey ittefaq raye se manzoor kar liya gaya,

Food Authority Khatam Karne Ka Mutalba, Floor Mills Aaj se Strike Karengay

Islamabad: All pakistan flour mills association ne aaj Monday se complete strike ka Aellan kar diya,

Chairman Mian Muhammad Riaz ne kaha hai ke food authority ka qayaam gair qanooni hai isse khatam kiya jaye,

All pakistan flour mills association ke Chairman Mian Muhammad Riaz ne lahore main press conferance se khitaab karte huwe kaha hai tamaam mills Food Department ke pas registered hain,

iss ke bawajood food authority ka qayaam amal main laya gaya hai ji inn se gair qanooni tor per 6000 sample fees wasool kar rahi hai aur ek hi waqt main do department ki janch partal kar rahi hai,

Alamati strike ke bawajood goverment ki khamoshi per monday se gandum ki pasai rook di jayegi – mian muhammad riaz ka kehna tha ke ek director general punjab food authority ne poori goverment ko yargamal bana rakha hai jin ki waja se goverment aur floor mills association ke darmiyaan khaleej barh rahi hai..

SECP Ne Fees Wasooli Ke Liye Online Service Start Kardi

Islamabad: Securities and Exchange Commission of Pakistan ne e-service ko mazeed Aagay barhate huwe All Types ki regulatory aur deegar feeses ko jama karanay ke liye online sahoolat ka aaghaz kar diya gaya hai,

Aesy tamaam afraad jo MCB Bank ki Facility use karte huwe All Types ki regulatory feeses ki Payment kar sakte hain SECP ko kisi bhi qism ki regulatory Documents e-service ki sahoolat ke zariye jama karawai ja sakti hain jabke Related Documents ki fees adda karne ke liye bhi e-service ko he use karte huwe SECP ki web site se fees Challan Download kiya ja sakta hai,

Challan form per diya gaya Challan number apne online bank account main moujood funds transfer ke option main enter kar ke Regulatory fees adda kar sakte hain,

Online fees payment ki sahoolat ke sath abb Consumer aur investor kissi bhi jagah se regulatory Documents jama kara sakengay aur iss ke liye unhain SECP ke dafter ya bank tak jane ki zaroort nahi rahegi,

SECP Investors ko mazeed sahoolat faraham karne ki pesh nazar feeses ki online payments ke liye deegar option per bhi kaam kar raha hai jis ke baad investor credit card ya ATM ke zariye bhi regulatory fees adda kar sakengay,

Partners aur investors ki sahoolat ke pesh nazar online feeses ki payments ke mutaliq guidelines SECP ki web site per bhi Provide kar di gayi hai,

CNG Bus Service Ki Bahali Aur Marmat Ke Liye 4 Crore Rupay Ki Manzoori

Karachi: Sindh Government ne karachi main CNG bus service ki bahali aur marmat ke liye 4 crore rupy manzoor kar liye hain jo jald he KMC ko farahm kar diye jayengay,

Governer Sindh ki hidayat per KMC karachi ne ek bus wafaqi Edaray Nipa aur ek bus medical collage ko Donation kardi jabke 2 buses karachi hangamo main nazar-e-aatish ki ja chuki hain,

pehlay marhalay main 36 buses 1/12 maah main drust kar ke quaidabad ta tower bahal ki jayengi.dosre marhalay main baqi buses shehar ke deegar routs per chalai jayengi,

Report ke mutabiq KMC karachi ke zer-e-intezaam 75 buses shehar ke 3 routs per chalai ja rahi thi CNG bus service Former City Nazim Mustafa Kamal ke dour main 2009 main shehriyon ko Aaram deh aur sasti safri sahoolat dene ki garz se mutaraf karai gain thi,

yeh buses 1 arab rupy ki maliyat se kharedi gaien kal-adam shehri government ke nizaam main yeh bus service kamyabi ke sath chalti rahi tahum muntakhib Municipalities ke Fractures hine ke baad CNG bus service Declining ka shikaar rahi,

FBR Ka Tex Choron Ke Naam ECL Main Dalne Per Gour

Islamabad: Federal board of revenue ( FBR ) ne pane ke tahet non files se 159 arab rupy se zaid ke wajbaat ki recovery ke liye tex choron aur non files ke naam Exit Control List main dalne ki tajveez ka jaiza lena shuru kar diya hai,

FBR ke senior officer ne bataya ke Radning of the tax net plan ke tahet bar bar muhlat dene ke ba-wajood NTN tak hasil na karne walay Taxable income ke hamil logon ke khilaaf bhi karwai karne ki tajveez ka jaiza liya ja raha hai,

Iss ke elava tex choron aur non files ke naam Exit Control List main dalne ki tajveez bhi zer-gour hai iss liye Ministry of Finance ke zariye wazarat-e-dakhla ke sath muamla uthaya jayega,

zaraye ne bataya ke ke non files ke khilaaf karwai ke liye jo sub se eham iqdaam tha woh non files ke Computerized National Identity Card block karna tha magar yeh akhtyaraat parliment se manzoori ki soorat main milna hain jo abhi tak nahi ho saka iss liye FBR ke paas aesa koi akhtyaar nahi hai ke woh non files ke CNIC block kar sakey,

News
Karachi
March 2024
M T W T F S S
« Mar    
 123
45678910
11121314151617
18192021222324
25262728293031