National

Saudi Arabia Main Ramazan-Ul-Mubarak Ka Chand Dekhne Ke Liye Ijlaas Aaj hoga

Riyaz: Saudi Arabia Main Ramazan-Ul-Mubarak Ka Chand Dekhne Ke Liye Saudi Higher Judicial Council Ka Ijlaas Aaj Hoga,

Ramazan-ul-mubarak 1435 hijri ka chand dekhne ke liye saudi arabia ki higher judicial council ka ijlaas aaj hoga jub’ke council ki janib se apne citizens se bhi chand dekhne ki apeel ki gai hai,

Council members ke mutabiq chand nazar aane ka imkaan moujood hai ta’hum iss se pehlay saudi arabia ke mahreen falkiyaat ka kehna tha ke riasat main 27 june ba’mutajiq 29 shaban ko ramazan-ul-mubarak ka chand nazar aane ka koi imkaan nahi iss liye pehla roza 29 june ko hoga,

Saudi mahreen falkiyaat ki is peshan goyi ke baad iss baat ke qoumi imkaan hain ke pakistan main 1st Ramazan-ul-mubarak 30 june monday ko hoga..

Islamabad Police Per Tashadud Awami Tehreek ke 3 Hazar Workers Ke Khilaf Muqadmaat

Rawalpindi Islamabad Ke Mukhtalif  Police Stations Main Awami tehreek Ke 3000, Workers Ke Khilaf Muqadmaat Darj Kar Liye Gaye. Muqadmaat Main Docaty, Government Main Madakhlat Aur Dehshat gardi Samait Deegar Dafaat bhi Shamil  kiye Gaye Hain,

Rawalpindi: Rawalpindi ke police station airport main (PAT) ke 3 hazar workers ke khilaaf muqadmaat darj kar liye gaye hain.

Report ke mutabiq muqadmaat main docaty, government main madakhlat, police per hamla aur amlaak ko nuqsaan ponchane ke elawa dehshat gardi ki dafaat bhi Shamil ki gai hain,

Guzishta roz awami tahreek ke workers ne sarkari aur awami amlaak ki hifazat karne walay police ahlkaron ko bad’tareen tashadud ka nishana banaya.

Baaz maqamaat per muzahreen ne police ko pehlay gheera aur hamla kiya muzahreen ke hatte charhne walay police ahlkaron ke sar phat gaye jub’ke kai ahlkaron ke hath pair bhi toot gaye,

Zyada tarr police officers aur ahlkar muzahreen ke shadeed pathrao aur dandon se zakhmi huwe kai police ahlkaron ke bazoun aur tangoon main fractures aaye hain.

muzahreen ke per’tashadud hone ke bawajood police ne tahmul aur bardasht ka muzahira kiya aur pit’te rahe pur’tashadud waqiyaat main Rawalpindi police ke incharge aur islamabad police ke DSP samait 36 ahlkar zakhmi huwe jin main se 3 ahlkaron ki halat tashvesh’naak hai..

Islamabad Pindorian Ke Qareeb Meley Main Dhamaka 41 Afraad Zakhmi

Islamabad Main Police Station Shahzad Town Ki Hudood Main Waqe Ek Darbaar per Meley Ke douraan Bomb Dhamaka Hua Jis Main 41 Afraad Zakhmi Ho Gaye. Zakhmiyon ko PIMS, Benazir Hospital Aur Polyclinic Hospital Muntaqil Kar Diya Gaya.

Islamabad: Islamabad main police station shahzad town ki hudood main pindorian ke qareeb ek darbaar main dhamake se 41 afraad ke zakhmi hone ke Itlaat hain,

Police ke mutabiq dhamaka chun peer darbar main hua dhamake ke waqt 200 ke qareeb afraad Urs main shareek thay.
Bomb ko darbar ke gate ke qareeb fit kiya gaya tha jo langar ki taqseem ke douraan achanak phat gaya jis kaie afraad zakhmi ho gaye,

Police ke mutabiq dhamake main ek pound se kam baroodi mawad use kiya gaya tha waqe ki itla milte hi rescue ki teams aur police ki bhaari nafri moqe per ponch gayi aur ambulance ke zariye zakhmi afraad ko PIMS, benazir hospital aur polyclinic main dakhil kar diya gaua jahan unhaien tibbi imdaad di ja rahi hai,

Soorat-e-haal ke pesh nazar islamabad ke dakhli aur kharji raston ki security intehai sakht kar di gai hai..

Karachi Ke Hassas Maqamaat Per Fouji Dastay Tainaat

Shumali Waziristan Main Fouji Optation Ke Baad Karachi Ke Hassas Maqamaat Per Fouji Dastay Tainaat Kar Diye Gaye Hain,

Karachi main dehshat gardon ke hamlay ke khadshy ke tehat shehar bhar main security intezamaat sakht kiye ja rahe hain,
Shehar bhar ke hassas maqamaat per Pak fouj ke dastay tainaat kar diye gaye hain. Shehar ke hassas maqamaat per tainaati ke liye dastay malir shaoni se rawana howe,

Pak fouj ke daston main baktar bund gariyaan bhi shamil hain.
ISPR zaraye ke mutabiq pak fouj ke dastay Airport, Central Jail aur deegar maqamaat per tainaat hongay jub’ke shehar ke deegar hassas maqamaat per fouj ko Stand-by position per rakha jayega..

Karachi Ke Mukhtalif Elaqon Main Barish, Trafic Hadsaat Main 2 Afraad Ja’bahaq kaie Zakhmi

Karachi: Shehar Ke Mukhtalif Elaqon Main Barish Se Mousam Khushgawar ho Gaya Jub’ke Sarkon Per Phislan Ke Bais Trafic Hadsaat Main 2 Afraad Jan’bahaq Aur Kaie Zakhmi Ho Gaye,

Report ke mutabiq kaie roz ki shadeed garmi ke baad guzishta raat se hi karachi ke elaqay Korangi, Defence, Nazimabad, Liaquatabad, Landhi, Gulshan, FB Area, aur North karachi samait mukhtalif elaqon main halki phulki barish ka silsila raha jis se garmi ka zor toot gaya aur mousam khushgawar ho gaya,

Dosri janib mehkamae mosamiyaat ka kehna hai ke shehar main mazeed barish ki umeed hai.
Barish se phislan ke bais Defence mor ke qareeb 2 gariyon ki takkar se 1 shakhs Jan’bahaq aur 4 zakhmi ho gaye jub’ke super highway dumba goth ke qareeb gari ulatne se 1 shakhs Jan’bahaq 2 zakhmi ho gaye,

Nazimabad gujjar nalay ke qareeb bhi 1 truck be’qabo ho kar mutasra truck se takra gaye jis ke natijay main 8 afraad zakhmi ho gaye.
Accident main zakhmi honay walay afraad fori ko treatment ke liye Abbasi shaheed hospital muntaqil kiya gaya iss ke elava Qayoomabad ke qareeb bhi subzi se bhari hui gari truck se takra gai jis ke natijay main 2 afraad zakhmi ho gaye,

Barish ke bais jahan shehriyon main khushi ki lehar dour gai hai aur mukhtalif elaqon main bijli ki bandish ne awaam ki khushiyon per pani phair diya hai aur mukhtalif elaqon main shehriyon ko pani ki qillat ka bhi samna hai iss ke elawa sarkon per phislan ke bais trafic ki rawani bhi mutasir hui hai..

Baheera Arab Main Toofan Se Pakistan Ke Saleli Elaqay Mutasir honey Ka Khadsha

Mehkmae Mosamiyaat Ka Kehna Hai Ke Bahera Arab Main Ban’ne Walay Samandari Toofan Se pakistan Ko Koi Khatra Nahi Ta’hum Iss Ke Asraat Se Friday Se Ly kar Sunday tak Balochistan Ke Saleli Elaqaon Main Garaj Chamak Ke Sath Barish Ke Imkanaat Hain Jub’ke Karachi Samait Sindh Main Bhi Barish Ke Imkanaat Hain,

Mehkmae Mosamiyaat ke mutabiq iss waqt samandari toofan bahera arab main moujood hai jo 10.km fee ghanta ki raftaar se west north west amman ki janib barh raha hai aur 15 june ko amman ke saheli elaqon se takrayega,

Mehkmae Mosamiyaat ke mutabiq samandari toofan se pakistan ko koi khatraat nahi hain ta’hum iss ke asraat sindh aur balochistan ke saheli elaqon per martab hone ke inkanaat hain,
Samandari toofan ke bais friday se ly kar sunday tak balochistan ke saheli elaqon main garaj chamak ke sath barish hone ke imkaanat hain jub’ke karachi samait sindh ke saheli elaqon main halki se taiz barish hone ke imkaanat moujood hain,

Mehkmae Mosamiyaat ka kehna hai ke in dino samandar main lehrain moderate se buland rahengi iss liye fishermen khulay samandar main jane se Avoide karen jub’ke citizenbhi in dino samandar per jane se ahtiyaat karen..

Karachi Mai National Highway Ke Qareeb Car Cylinder Dhamaka

Karachi: National Highway Ke Qareeb Cylinder Dhamake Mian 4 Afraad Shadeed Zakhmi Ho Gaye Jinhaien Fori Medical Aid Ke Liye hospital Muntaqil Kar Diya Gaya,

Report ke mutabiq karachi mai national highway ke qareeb shaheed Muraad road per khari car mai zor’dar dhamaka hua jis ke natijay mai car mai sawar 4 afraad shadeed zakhmi ho gaye jab’ke dhamake se car ko shadeed nuqsaan poncha aur us mai Aag bhi lag gayi,

Ibtedai report ke mutabiq dhamaka CNG Cylinder ka tha dhamake ke baad rescue idaray ke ahlkaaron ne moqay per ponch kar imdaadi karwaiyaan shuru kardi jab’ke dhamake mai zakhmi hone walay afraad ko bhi fori medical aid ke liye jinnah hospital muntaqil kar diya gaya,

Wazeh rahe ke gariyon mai CNG Cylinder ke dhamake mamool ban chuke hain jis ke bais mukhtalif waqiyaat mai kayi afraad jaan se hath dho bethey hain jab’ke sindh hukumat ne Cylinder dhamakon ke barhtey huwe waqiyaat ke pesh-e-nazar school ki gariyon mai CNG Cylinder lagane per pabandi Aaid kar rakhi hai..

Altaf Hussain Hospital Se Discharge Police Station Muntaqil

MQM Ke Quaid Altaf Hussain Ko Hospital Se Discharge Kar Ke Police Station Muntaqil Kar Diya Gaya Hai,

London: Altaf Hussain ki angiography ki reports Aane ke baad doctors ne altaf hussain ki angiography ki reports Satisfactory qaraar dedi thi jis ke baad medical reports ki roshni main Scotland yard ne un ki police station muntaqli ka faisla kiya,

Ta’hum Altaf Hussain ko Wellington Hospital se police station muntaqil kar diya gaya hai jahan Money Laundering Case main un ka bayan record kiya jayega,

Wazeh rahe ke tuesday ko london police ne altaf hussain ko Money Laundering Case main hirasat mian liya tha aur unki tabiyat ko dekhte huwe unhaien Hospital muntaqil kiya gaya tha jahan guzishta 3 roz se unka elaaj jaari tha..

Karachi Main Ek Bar Phir Tention karobari marakiz band

Karachi Main Ek Bar Phir Tention Phel gayi. Orangi Town, Landhi, Aur Gulistan-e-Jauhar Main Na’maloom Afraad Ne Markets Aur Petrol Pumps Band KArwa Diye Aur Civic Centre Main offices Bhi Band Karwa diye Gaye,

Karachi: MQM ki rabta Committee ki Appeal per karachi samait sindh bhar ke mukhtalif shehron main 2 din se band bazar hotels aur petrol pumps khul gaye thay aur muatal tijarti sar’garmiyaan bhi shuru ho gayin thien ta’hum dopehar ke waqt ek martaba phir tention phel gayi,

Karachi main na’maloom afraad ne mukhtalif areas main karobari marakiz band kara diye Landhi, Orangi Town, main shops aur markets band ho gaien,
Civic centre main offices band kara diye gaye Gulistan-e-Jauhar main shops markets aur petrol pumps bhi band ho gaye,

MQM ke Rehnuma Dr. Farooq Sattar ne issy intezimia ki zamadari qaraar de diya hai Hyderabad ke area Latifabad aur tower market main na’maloom afraad ne shops band kara dien,
Dosri janib shehar ke petrol pumps per Fuel ki farahmi bhi muatal hai shehar ke petrol pumps per shehriyon ka rush jo fuel ki farahmi ka mutalba kar rhe hain,

Petroleum Companies ne Security khadshaat ke bais fuel ki farahmi se ankaar kar diya hai Chairman Petroleum Dealers Association ne kaha hai ke Administration fuel ki farahmi ke liye tahafuz farahum karne main Co-oprate nahi kar rahi hai..

Pakistan Ki Request Per Twitter Ne Anti-Muslim Tweets Per Pabandi Aaid Kardi

New York: Social Contacts Ki Website Twitter Ne Pakistan Ki Request Per Anti-Muslim Tweets Per Pabandi Aaid Kardi hai,

U.S. Newspapers The new york times ke mutabiq government of pakistan ne twitter authorities se Mazhab ki touheen karne wale bloggers ke account block karne aur touheen Mazhab ki Categories main aane wali tweets aur mawad ko rokne ki Request ki thi,

Pakistan ki appeal per twitter authorities ne Anti-Muslim Tweets per pabandi Aaid kardi hai.

Wazeh rahey ke twitter ne 1st time kisi mulk ki request per Islaam mukhalif mawad shaya karne wale sarfeen per pabandi aaid ki hai.

Iss se pehlay pakistan ne youtube authorities se bhi gair islaami mawad hatane ki request ki thi lekin youtube administration ki janib se gair islaami mawad na hatane per pakistan main youtube per pabandi aaid kardi gai thi jo abhi tak barqarar hai..

News
Karachi
October 2022
M T W T F S S
« Mar    
 12
3456789
10111213141516
17181920212223
24252627282930
31