National

Aaj Se Mere Aur Jawed Hashmi Ke Raste juda Hain: IMran Khan

Published August 31, 2014

Pakistan Tahreek-e-Insaaf Ke Leader Imran Khan Ne Kaha Hai ke Mujhe Aagy Barhne Ke Liye Kissi Ke Kandhay Ki Zaroorat Nahi Hai. Aaj Se Mere Aur Jawed Hashmi Ke Raste juda Hain.
Resignation Na Dene Walon Ko Bhi Party Se Nikalne Ka Elaan,

Islamabad: Islamabad main protesters se khitaab karte huwe imran khan ka kehna tha ke model town tragedy main chief minister shahbaz sharif ko insaaf ke katehry main khara kiya jata to kal raat qatel-e-aam na hota,

Unhone ne claim kiya ke police violence se ab tak 20 shaheed jub’ke 500 zakhmi ho chuke hain,

Tahreek-e-Insaaf ke President Makhdoom Javed Hashmi ki Press Conference per apne reaction ka izhaar karte huwe unka kehna tha ke mujhe javed hashmi ki soch per afsoos hai,

Main kissi ke esharoon per nahi naach raha woh buhat achi tarah jante hain ke mujhe aagay barhne ke liye kissi ke kandhay ki zaroorat nahi hai,

Unhone ne elaan kiya ke aajse mere aur javed hashmi ke raste juda hain,

Unhone resignation na dene wale MPs ko bhi Tahreek-e-Insaaf se nikalne ka elaan kiya…

Karachi Main Tez Raftaar Bus Aur Car Main Tasadum

Published August 27, 2014

Karachi: Tariq Road Per Tez Raftaari Ke Bais musafir Bus Ne Car Ko Takkar Mar di Jis Ke Natije Main Ek Khatoon Jan-Bahaq Jub’ke Ek Shaks Zakhni Ho Gaya,

Report ke mutabiq karachi ke elaqay tariq road per labourity chowk ke qareeb tez raftaati ke bais musafir bus car main ja ghusi jis ke natije main ek khatoon jan-bahaq jub ke ek shaks zakhmi bhi ho gaya,

Rescue teams ke ahlkaron ne zakhmi hone wale shaks ko foori tor per jinnah hospital muntaqil kiya jaha doctors ne bataya uski halat buhat kharab hai aur usey aid di ja rahi hai,

Hadsay main jan-bahaq hone wali khatoon ki shanakht nahi ho saki jub’ke bus driver moqe se faraar ho gayaa..

Police officers ka kehna hai ke waqay ka muqadma darj kar liya gaya hai jub ke bus ko qazbe main lekar maalik aur driver ka patta lagane ke liye karwai shuru kar di gai hai..

Imran Khan Ke Dhandli Ke Ilzamaat

Published August 25, 2014

Islamabad: Election Commission Ne Tahreek-e-Insaaf Ke Chairman Imran Khan Ki Janib Se 2013 Ke General Elections Main Dhandlioyn Ke Ilzamaat Per 26 August Ko Eham Ijlaas Talab Kar Liya,

Report ke mutabiq 26 august ko talab kiye gaye ijlaas ki sarbarahi qaim maqam chief election commissioner custice Anwar Zaheer Jamali karenge.

Ijlaas Main 4ron Soobayi election commissioner ke elava deegar aala officers bhi shirkat karenge.

Ijlaas main ballot papers ki chapayi se related imran khan ke ilzaamat ka bhi jaiza liya jayega..

Wazeh rahe ke imran khan ne election commission ke kuch aala officers per ilzaam lagaya tha ke unho ne election se 2 din pehle fake ballot papers chapwa kar muslim league (N) ke hawalay kiye thy..

Shah Mehmood Qureshi Ke Ghar Per Hamla

Published August 23, 2014

Multan: Insdaad-e-Dehshat Gardi Ki Khusoosi Adalat Ne Tahreek Insaaf Ke Deputy Chairman Shah Mehmood Qureshi Ke Ghar Per Hamlay Ke Ilzaam Main Giriftaar Muslim Leauge (N) Ke District President Bilal Butt Samait 18 Mulzimaan Ki Zamanat Manzoor Karli,

Multan main insdaad-e-dehshat gardi ke Judge Khalid Javed Warraich ne tahreek insaaf ke deputy chairman shah mehmood qureshi ke ghar per hamlay ke muqadmay ki samaat ki aur police ne muslim leauge (N) ke district president bilal butt samait deegar namazd mulzimaan ko adalat main paish kiya,

Mulzimaan ke wakeel ne adalat se zamanat ki Application di mulzimaan ka bayaan sun’ne ke baad adalat ne bilal butt samait 18 mulzimaan ki 4 september tak zamanat manzoor karli,

Yaad rahe ke 20 august ko multan main muslim leauge (N) ke workers ki janib se shah mehmood qureshi ke ghar hamla kiya gaya tha jis per N leauge ke district president bilal butt urf billo butt samait deegar 18 afraad ke khilaaf muqadma darj kiya gaya hai..

Lahore Samait punjab Ke Mukhtalif Shehron Main Zalzaley Ke Jhatke

Published August 22, 2014

Lahore: punjab Ke Mukhtalif Shehron Main Zalzaley Ke Jhatke Mehsoos Kiye Gaye Ta’hum Kissi Jaani Nuqsaan Ki Report Mousool Nahi Hui Hai,

Report ke mutabiq lahore samait punjab ke mukhtalif shehron main zalzaley ke jhatke mehsoos kiye gaye zilzila koh-e-pema ke mutabiq zalzaley ki shiddat 5.2 record ki gai jub’ke iss ka markaz indian state himachal pradesh tha aur zameen main iss ki gehraayi 15 kilo meter record ki gai,

Zalzaley ke baad logo main khouf-o-hiraas phail gaya aur loog kalma-e-tayyaba ka wird karte huwe apne gharon se bahar nikal gaye,

Ta’hum Zilziley ke natijay main kissi jaani nuqsaan ki report mousool nahi hui hai,

Islamabad “Red zone” Ki Security Fouj Ke Hawaley Kardi Gai

Published August 20, 2014

Imaran Khan Ke Elaan Ke Baad Hukumat Ne Islamabad Ke Red zone Ki Security Fouj Ke Hawaley Karne Ka Faisla Kar Liya.
Interior Minister Ka Kehna Hai Ke Islamabad Ki Security Ke Liye 3 Steps Banaye Gaye Hain Jin Main se 1st police, 2nd Rangers, aur 3rd Fouj Ke Paas Hoga,

Islamabad: Islamabad main press conference se khitaab main interior minister chaudhry nisar ali khan ne kaha hai ke prime minister ke zer-e-sadarat hone wale ijlaas main political situation per 3 ghante tak mushawarat hui jis ke baad hukumat ne islamabad ke Red Zone ki security pakistan fouj ke hawalay karne ka faisla kiya hai,

Islamabad Ki Security Ke Liye 3 Steps Banaye Gaye Hai Jin Main se 1st police, 2nd Rangers, aur 3rd Fouj Ke Paas Hoga,

Chaudhry nisar ali khan ka kehna tha ke PTI ke chairman imran Khan kheel ke ground main tamaam pakistaniyon ke Role model rahe hain un se request hai ke wo Politics ke ground main bhi noujawano ke liye ek Role model ka kirdaar adaa karen,

Imaran khan mulk main galat rawaayat na dalain imran khan ne red zone na jane ki yaqeen dihani karwai jis ka record mere pas moujood hai,

Un ka kehna tha ke PTI aur PAT ki leadarship se contact ke bawajood humain waqt nahi diya gaya.
Democracy aur pakitan ke future ke naam per hum dono parties se muzakraat ki dobara koshish karengay hum ek baar phir imran khan aur tahir ul qadri ko muzakraat ki dawat dete hain,

Unka kehna tha ke yeh baat kissi ki samajh main q nahi aati ke 2013 ke election hum ne nahi karwaye hukumat 4 nahi bal’ke 20 halkon ki janch partal ke liye tayyar hai..

Karachi Main Dehshat gardi Ki koshish Nakaam

Published August 18, 2014

Karachi: police Ne Orangi Town Main Ek Raksha Se 12gk Wazni Momb Bar’amad Kar Ke Dehshat gardi ka Mansooba Nakaam Bana Diya,

SSP karachi Irfan Baloch ke mutabiq orangi town ke elaqay bakra peri ke qareeb ek raksha se 12kg wazni bomb bar’amad hua jise bomb disposal squad ne nakara bana dia hai

Bomb remote control device se attached tha aur complete ready tha bomb blast hone se bare pemanay per tabahi ho sakti thi

Irfan Baloch ka kehna tha ke bomb ko school beg main daal kar kharab rakshe main rakha gaya tha aur isse police force ki gari ko nishana banane ke liye nasab kiya gaya tha ke jese hi bari gari guzarti ussi waqt remote control se dhamaka kiya jata..

Islamabad Mai Dafa 144 Nafiz Har Qism Ke Jalsay Julooson Per Pabandi Aaid

Published August 9, 2014

Islamabad: District Administration Ne Wafaqi Darul Hakumat Mai Dafa 144 Nafiz Karte Huwe Shehar Main Har Qism Ke Jalsay Julooson Per Pabandi Aaid Kardi Hai,

Reoprt ke mutabiq islamabad administration ne shehar main fori’tor per dafa 144 nafiz kardi hai jis ka notification bhi jaari kar diya gaya hai.

Notification ke mutabiq wafaqi darul hakumat mai red zone samiat kissi bhi jaga har qism ke jalsay julsoonon per pabandi aaid kardi hai aur 5 afraad ke ikathay hone per bhi pabandi hogi jub’ke kissi bhi qism ke weapon ki numaish per bhi pabandi laga di gai hai.

Pabandi ka faisla shehar mai aman-o-amaan ki surat-haal ko barqaraar rakhne ke liye lagaya gaya hai jub’ke dosri janib islamabad administration ne shehar mai har qism ke internal aur external roads ko bhi seal karna start kar diya hai jis ke tehat rawalpindi se islamabad aane walay roads ko container aur barbed wire laga kar block kiya ja raha hai..

Karachi Samandar Ki Be Reham Mojon Ne 36 Zindagiyaan Nigal Lien

Published August 2, 2014

Lawahqeen Ne Un Ke Kapron Aur Deegar Saman Se Shanakht Karli Gharon Mai Sif Matam.
Lawahqeen Ki Aah-o-baqa Mutasreen Khandanon ke Liye 2, 2 Lakh Imdaad Ka Elaan.
Clifton main CVU Ke Maqaam Per Police Ki Bhaari Nafri Taienaat,

Karachi: Eid ke moqe cvu clifton aur hawke’s Bay per samandar main doob kar jan-bahaq hone wale 36 afraad ki lashain nikaal li gaien hain,

Jumma ki subah Navy ka helicopter aur rescue teams Clifton ponch gaien jinhon ne samandar se lashain nikalne ke liye opration ek baar phir shuru kiya.
Navy ki imdaadi teams ne helicopter ke zariye gehray samandar se mazeed 11 lashain nikal li hain.

Iss tarah ab tak nikali jane wali lashon ki tadaad 36 ho gai hai jumme ke roz nikali jane wali lashain kharab ho chuki thien.
Lawahqeen ne kapron aur deegar saman se un ki shankht ki. nikali gai lashon mai se 5 lashon ki abb tak shanakht nahi ho saki jin ko Edhi sard khane main rakhwa diya gaya hai,

Clifton main cvu ke maqaam per police ki bhaari nafri taienaat hai jub’ke La’pata afraad ke ahle khana bhi moujood hain subah search opration ke Aaghaz main takheer per doobne wale afraad ke lawahqeen ne ahtijaaj bhi kiya,

Clifton aur hawke’s Bay per 2 darjan se zaid afraad doobne ke baad shehri intezamiya ki janib se shehriyon ki jano ko tahafuz faraham karne ke liye samandar per shehriyon ke nahane aur pani ke andar jane per pabandi aaid kardi gai,

CVU ke sahil per baaz jagahon per takhte laga kar samandar main andar jane wale raston ko band kiya gaya hai ta’hum shehri pabandiyan seal hone ke bawajood chori chuppe sahil per dakhil hone ki koshish kar rahe hain,

Baaz jagahon per police aur shehriyon ke darmiyaan talkh kalami ke manazir dekhne main aaye police ki janib se pani main ghusay huwe logon per lathi charge bhi kiya gaya lekin police ke jate hi log dobara samandar main andar jate rahay,

Baad main police ki bhaari nafri ko talab kar liya gaya ta’hum shehriyon ko pani main andar jane se roka ja sakay.

karachi ke District Administration ne samandar mai nahane per 3 maah ki pabandi aaid kardi hai..

Shawal Ka Chand Dekhne Ke liye Ruet-e-Hilal Committee Ka Ijlaas Aaj hoga

Published July 28, 2014

Zonal Head Quarters Main Hone Wale Ijlaas Mian Chand Dekhne Ke Hawalay Se Shahadatain jama ki Jayengi,

Karachi: Pakistan main shawal ka chand dekhne ke liye Ruet-e-Hilal Committee ka ijlaas Aaj ho raha hai,

Shawal ka chand dekhne ke liye Ruet-e-Hilal Committee ka markazi ijlaas karachi main hoga,

jub’ke zonal head quarter Islamabad, Lahore, Peshawar, aur Quetta main bhi ijlaas hongay,

Ijlaas main mulk bhar se chand dekhay jane se mutaliq Shahadatain jama ki jayengi..