Business
Hukumat Ne Petrol Ki Fi Letter Qeemat Mein 9 Rupay 43 Paisay Ki Kami Kar Di
Islamabad: Wazeer-e-Azam Nawaz Shareef Ne Petroleum Masnoaat Ki Qeematon Mein Kami Ki Manzoori DeDi Hai Jis Ke Baad Petrol Ki Qeemat 9 Rupay 43 Paisay Kami Ke Baad 94 Rupay 19 Paisay Hogayi.
Report ke mutabiq Aalmi mandi mein petroleum masnoaat ki qeematon mein kami ke baad wazeer-e-azam Nawaz shareef ne bhi petroleum masnoaat ki qeematon mein kami ki manzoori dedi jis ke mutabiq sab se ziyada high octane aur HOBC mein bal tarteeb 14 rupay 68 paisay kami ki gayi hai.
Jub’ke petrol ki qeemat mein 9 rupay 43 paisay kami ki gayi jis ke baad nai qeemat 94 rupay 19 paisay, diesel ki qeemat mein 6 rupay 18 paisay kami ke baad nai qeemat 101 rupay 21 paisay hogayi hai.
Isi tarha matti ke tail mein 8 rupay 16 paisay kami ki manzoori di gayi hai jis ke baad matti ka tail 87 rupay 12 paisay mein dastyab hoga jabkay high octane 116 rupay 15 paisay fi letter mein milega.
Wafaqi kabeena ke ijlaas ke douran petroleum masnoaat ki qeematon mein kami ke elaan karte hue wazeer e azam Nawaz ka kehna tha ke petroleum masnoaat ki qeematon mein haliya kami misali hai jis ka barah e raast faida Aam fard ko milna chahiye.
Unhon ne charon sobon ke wazir-e-aala ko hidaayat ki ke sobai hukoomaten tansport ke kirayon aur ijnaas ki qeematon mein kami yaqeeni banayen.
Hukoomat Ne Petroleum Masnoaat Ki Qeematon Mein Kami Ka Elaan Kar Diya
Islamabad: Hukoomat Ne Aalmi Manndi Mein Tail Ki Qeematon Mein Raddo Badal Ke Baad Petroleum Masnoaat Ki Qeematon Mein 2 Rupay Tak Kami Kar Di Hai Jis Ka Itlaq Raat 12 Bujey Se Hoga.
Report ke mutabiq wizarat khazana ki janib se petroleum masnoaat ki qeematon mein kami ke baad ogra ne is ka notification jari kar diya hai jis ke mutabiq petrol 2 rupay 94 paisay fi letter, diesel 95 paisay, light diesel 67 paisay aur HOBC ki qeemat mein aik rupay 88 paisay kami kar di gayi hai jab’kay matti ke tail mein bhi aik rupay 31 paisay ki kami ki gayi.
Petroleum masnoaat ki qeematon mein kami ke baad petrol 103 rupay, diesel 107 rupay 39 paisay, light diesel 91 rupay 41 paisay jab’kay HOBC 131 rupay 13 paisay fi litter per dastiaab hoga.
Karachi Chember Ko’ In Trade Malaysia ‘ Mein Shirkat Ki Dawat
Karachi: Pakistan Mein Malaysian Palm Oil Ki Dar’Aamdi Sar Garmiyon Mein Kami Tashweesh-naak Hai Kyun Kay Ab Pakistan Mein Palm Oil Ka Hissa 91% Se Ghatt Kar 55% Par Agaya Hai.
Ye baat Karachi mein malaysia ke consul general Abbu Bakar Mamat ne Karachi chamber of commerce and industry mein taajiron o sanat karon se khitaab karte hue kahi.
Unhon ne kaha ke bahami tijarat ke hajam ko barhaane ke liye dono mumalik ke taajiron ko Aaps ke rawabit barhana honge aur bahami tijarat ki raah mein haail rukawaton ki nishandahi karte hue tajaweez dena hogi.
Malaysian consul general ne kulalmpur malaysia mein 20 october se shuru honay wali teen roza ‘in trade malaysia 2014′ numaish mein Karachi chamber ko shirkat ki dawat dete hue kaha ke malaysia external trade development corporation har saal tijarat aur bar’Aamdaat ke farogh ke liye’ ‘ international trade malaysia’ ‘ numaish ka ineqad karta hai jis ka maqsad mulki o ghair mulki tajir baradri ke darmiyan raabtey ustuwar karne, karobari shiraakat daari, Ideas aur bahami maloomat ka tabadla karna hai jo globle market mein karobari rasai ke khwahish mand hain.
Unhon ne kaha ke numaish mein shirkat se Pakistani taajiron ko Malaysian ashya ka jaiza lainay aur taajiron ke sath raabtey barhaane ke sath sath kaarobar ki nai rahein talaash karne ke mawaqay bhi muyassar ayenge ke kis tarha dono mumalik ke darmiyan tijarat ko farogh diya jasakay.
Is mauqa per karachi chamber of commerce ke saddar Abdullah Zaki ne chamber ki sar’garmiyon pr tafseli roshni daaltay hue kaha ke Pakistani taajiron ke duniya ke mukhtalif taajiron ke sath behtar taluqaat ustuwar karne ke liye Karachi chamber pal ka kirdar ada kar raha hai.
Unhon ne tajweez di ke tijarti wafood ke mutawatar tabadlay, malomati aur single country numaishen, seminar aur conference ke ineqad se tijarti taluqaat ko behtar bananay mein madad milegi jo dono mumalik ki maeeshat ke liye sazgaar saabit hoga.
Unhon ne kaha ke mayaari taleem ke farogh ke liye aik nuqta nazar ke sath Pakistan aur malaysia mein universities ke darmiyan mazboot rawabit peda karne ki zaroorat hai,
Is silsilay mein Pakistani students ko bhi malaysia mein taleem haasil karne ki sahoolat faraham ki jani chahiye.
India Main Sirf 33 Dollar Ka Smart Phone Launch
India Main Mobile Phone Banane Wali Company Entics Ne Ek Naya Smart Phone Pesh Kiya Hai Jis Ki Price Sirf 33 Dollar Hai.
Iss Company Ne Iss Lowest Rate Phone Ko Mobile Phone Ki Market Main Ek Naye Ehad ka Aghaaz Kaha Hai,
New Delhi: Dunya bhar main new smart phone customers ki gair mamooli tawaja ka bais ban rahe hain.
Smart phones jitne modern style ke hote ja rahe hain unki price utne hi hosh ura deti hain ab indian mobile phone company entics ne firefox browser ki malik company Mozilla ke Cooperate aur sharing se ek aesa smart phone ready kiya hai jo quality aur performance ke aitbaar se apple iphone aur samsung galaxy jese functions ka hamil hai magar price ke aitbaar se sasta tareen phone hai yani sirf 33 dollars hain,
Entics tarjumaan ka kehna tha ke inki company ko umeed hai ke agley 3 months ke andar andar iss phone ke 5 lakh units sell ho jayengy.
Entics company starting se indian market ko target kar rhi hai ta’hum umeed ki ja rahi hai ke yeh smart phone asia ke deegar mumalik main bhi apni market bana lega,
World Bank ke andazon ke mutabiq dunya ke ghareeb awaam ki kul tadaad ka ek tihai hissa india main moujood hai,
ISs mulk main smart phone ki price kaleedi ahmiyat ki hamil hai india main sell hone wale smart phone ki kul tadaad ke 3 chothai ki price 200 dollar se kum hoti hai..
Pakistan Ki Financial Situation Behtar Hui Hai Mehangai Kam Honi Chahye
Washington: IMF Ne Kaha Hai Ke Pakistan Ki Macroeconomic and financial Situation Main Behtari Aa Rahi Hai Ta’hum pakistani Maeishat Ke Liye Ta’Haal Khatraat Moujood Hain Magar Mehngai Main Kami Ke Liye iqdamaat Karne Ki Zaroort Hai,
IMF ke Executive Board ke ijlaas ke baad jaari elamiye main kaha gaya hai ke pakistan ki financial Situation behtar hui hai,
Gurbat tabqaat ke liye naqad imdaad hosla afzai hai pakistan main Anti-money laundering laws main behtari se musbat asraat hongay,
Tax Net ko barhaney ki zaroorat hai Tax exemption ke khatmay se mahasil main behtari aayegi..
Mulk Mian Cotton Ginning Season Ka Aghaaz Ho Gaya
Punjab Main 2 Factories Ne Kaam Start Kar Diya Hai,
Pakistan Cotton Ginners Association Ehsan ul Haq ke mutabiq Mulk Main cotton ginning ke new season ka aghaaz ho gaya hai,
Punjab main Haroon Abad District Bahawalnagar main 2 ginning factories ne kaam start kar diya hai.
Iss haftey shahdad por sindh ki ek ginning factory main kaam start hone ki umeed hai..
World Bank Ne Pakistan Ke Liye 70 Caror Dollar Bila Sood Qarz Ki Manzori Dedi
New York: World Bank Ne Pakistan Main Bijli Ke Project Ke Liye 70 Caror Dollar Bila Sood Qarz Ki Manzori Dedi hai,
Guzishta roz World Bank ke Executive Directors ka ijlaas hua jis mian tamaam Participants ne mutafqa tor per pakistan main Dasu hydropower project aur Sindh main Irrigation project ke liye 70 caror dollar bila sood qarz ki himayat ki,
World Bank ne pakistan main Dasu hydropower project ke liye 60 caror dollar jab ke Sindh main Irrigation ke projects ke liye 10 caror dollar qarze ki manzori dedi,
Federal Finance Minister Ishaq Dar ka kehna hai ke World Bank ki janib se pakistan ke liye manzor kiya jane wala qarza riayati aur sasta hai.
Pakistan ye qarz 25 saal ke douraan wapis karega aur qarze ke liye koi sood nahi hai iss per salana 2% intezami charge wasool kiya jayega unka kehna tha ke hukumat mulk ko tawanai ke shoube main khud kafeel banane ke liye awam se kiye gaye waday pooray karegi,
Iss se pehly bhi World Bank ne May 2014 main pakistan ke liye 10 lakh dollar qarz ki manzori di thi..
Gold Ki Qeemat Mian 6 So Rupy Fee Tola kami
Global Market Main Rates Girne Ke Baad Mulk Mian Gold Ki Qeemat 6 So Rupy Fee Tola Kam Ho Gai,
Karachi: Sindh Sarafa Association ke mutabiq Local Markets main gold ki new qeemat Rs.47900/- fee tola per agai hai.
10 Gram Gold ki Rs. 517/- rupy kami se Rs.41054/- rupy ho gai hai,
Local Markets main gold ke Rates 13 dollar fee ounce kam huwe hain jis ke baad 1253 dollar fee ounce ho gai hai,
Gold Ki Price Barqarar
Karachi: International Bullion Market main Gold per ounce ki qeemat 1 dollar kami se 1292 dollar ki sateh per ponchne ke ba’wajood local sarafa markets main friday ko fee tola aur fee 10 gram gold ki qeemat bagair kisi tabdeeli ke mustehkam rahien,
As a result, Karachi, Hyderabad, Sukkur, Multan, Faisalabad, Lahore, Islamabad, Rawalpindi, Peshawar aur Quetta ki sarafa markets main fee tola gold ki qeemat Rs. 48900/- rupy per mustehkam rahi aur fee 10 gram gold ki qeemat Rs. 41914/- rupy per mustehkam rahi issi tarah fee tola chandi ki qeemat bhi bagair kisi tabdeeli ke Rs. 735/- rupy per mustehkam rahi aur fee 10 gram chandi ki qeemat bhi Rs. 630/- rupy per mustehkam rahi hai..
Wafaq Ne Bijli Ke Wajbaat Ki Wasooli ke Liye Soobon Se Madad Lene Ka Faisla Kar Liya
Karachi: Wafaq ne garmi ke mosam main bijli ki pedawar , tarseel loadsheding plan , bijli chori ki rok tham aur wajbaat ki wasooli ke liye soobayi hukumaton se madad lene ka faisla kar liya hai,
Iss hawalay se Wazir-e-Azam apne beroni mulk se doura wapsi ke baad jald ek aala sateh ka ijlaas bulayengay jis main inn umoor per eham faislay kiye ja sakte hain,
wafaqi hukumat ke qabil-e-aitmaad zaraye ne bataya hai ke Wazir-e-Azam nawaz Sharif ne wazarat pani aur bijli ko hidayat ki hai ke garmi ke mosam main bijli ki pedawar , tarseel aur loadsheding plan ke hawalay se foori-tor muasar Policy ko tashkeel diya jaye aur mulk bhar main bijli ki bachat ka program banaya jaye..
