Tahafuz pakistan Bunyadi Insaani Huqooq Aur Aazadi Ke Khilaaf Hai, Human Rights Watch

New York: Human Rights Watch ne bhi tahaffuz pakistan ordinance per tanqeed karte huye essy bunyadi huqooq aur aazadi ke khilaaf qaraar diya hai,

Ordinance ke hawalay se Human Rights Watch Asia ke Director Brad Adams ka kehna hai ke bill ka masooda na sirf bunyadi huqooq aur aazadi ke khilaaf hai balke iss se pur aman Political opposition parties ko bhi khatra hai,

Hukumat pakistan insdaad-e-deshat gardi qawaneen ki aar main bunyadi insaani huqooq na dabaye Brad Adams ne kaha hai ke pakistan ki Senate ko yeh qanoon manzoor karne se inkaar karte huye isssy nazar saani ke liye wapis National Assembly bhej dena chahye,

Report ke mutabiq deshat gardi ki tareef ko wazeh karna zaroori hai chota sa trafic jaam bhi iss ke ramze main aa sakta hai police ko bagair Warrant ke kissi shaks ke khilaaf karwai ya griftari ki ijaazt dena awaam ke haq ki munafi hai,

Report main kaha gaya hai ke Security Forces ko di jane wali aesi Aazadi bhi aalmi qawaneen ki khilaaf warzi hai aur iss tareeqay se shehri bar-baryat ka nishana ban sakte hain,

CNG Bus Service Ki Bahali Aur Marmat Ke Liye 4 Crore Rupay Ki Manzoori

Karachi: Sindh Government ne karachi main CNG bus service ki bahali aur marmat ke liye 4 crore rupy manzoor kar liye hain jo jald he KMC ko farahm kar diye jayengay,

Governer Sindh ki hidayat per KMC karachi ne ek bus wafaqi Edaray Nipa aur ek bus medical collage ko Donation kardi jabke 2 buses karachi hangamo main nazar-e-aatish ki ja chuki hain,

pehlay marhalay main 36 buses 1/12 maah main drust kar ke quaidabad ta tower bahal ki jayengi.dosre marhalay main baqi buses shehar ke deegar routs per chalai jayengi,

Report ke mutabiq KMC karachi ke zer-e-intezaam 75 buses shehar ke 3 routs per chalai ja rahi thi CNG bus service Former City Nazim Mustafa Kamal ke dour main 2009 main shehriyon ko Aaram deh aur sasti safri sahoolat dene ki garz se mutaraf karai gain thi,

yeh buses 1 arab rupy ki maliyat se kharedi gaien kal-adam shehri government ke nizaam main yeh bus service kamyabi ke sath chalti rahi tahum muntakhib Municipalities ke Fractures hine ke baad CNG bus service Declining ka shikaar rahi,

Rawalpindi Sabzi Mandi Main Dhamaka 22 Afraad janbahaq 107 Zakhmi

Rawalpindi: Rawalpindi Ki Sabzi mandi main dhamake se janbahaq hone walay afraad ki tadaad 22 ho gayi jabke 107 afraad zakhmi hain,

Dhamake se insaani jism ke tukre door door tak bikhar gaye har taraf afra tafri phail gayi rawalpindi ke elaqay pir wadhai ke maqaam per qaim sabzi mandi aur phal mandi main aaj subha 8:25 per hazaroon afraad rozi ki talaash main jama thay amrood ki boli lag rhi thi aur dhamaka ho gaya,

Intehayi zoordar dhamaka hua ke zameen hill gayi aur insaani jism ke tukre hawa main urne lagay, dekhne walay bhi zinda laash ban gaye har taraf afra tafri thi kayi so gaz ka elaqa khoon alood tha hawas bakhta logo ne apni madad aap ke tehat zakhmiyoon ko hospital muntaqil karna shuro kar diya,

15 se 20 mint baad rescue aur police pounchi to elaqay ka muhasra kar liya gaya dhamake ki jaga 2 fit gehra aur 3 fit chora garha par gaya sabzi mandi association ke mutabiq us waqt sirf amrood ki nilami hoti hai boli ke waqt hazaroon afraad moujood thay,

FBR Ka Tex Choron Ke Naam ECL Main Dalne Per Gour

Islamabad: Federal board of revenue ( FBR ) ne pane ke tahet non files se 159 arab rupy se zaid ke wajbaat ki recovery ke liye tex choron aur non files ke naam Exit Control List main dalne ki tajveez ka jaiza lena shuru kar diya hai,

FBR ke senior officer ne bataya ke Radning of the tax net plan ke tahet bar bar muhlat dene ke ba-wajood NTN tak hasil na karne walay Taxable income ke hamil logon ke khilaaf bhi karwai karne ki tajveez ka jaiza liya ja raha hai,

Iss ke elava tex choron aur non files ke naam Exit Control List main dalne ki tajveez bhi zer-gour hai iss liye Ministry of Finance ke zariye wazarat-e-dakhla ke sath muamla uthaya jayega,

zaraye ne bataya ke ke non files ke khilaaf karwai ke liye jo sub se eham iqdaam tha woh non files ke Computerized National Identity Card block karna tha magar yeh akhtyaraat parliment se manzoori ki soorat main milna hain jo abhi tak nahi ho saka iss liye FBR ke paas aesa koi akhtyaar nahi hai ke woh non files ke CNIC block kar sakey,

Sibi Railway Station Per Jaffar Express main Dhamake Se 14 Afraad Janbahaq Darjano Zakhmi

Sibi: Quetta se rawalpindi jane wali jaffar express main sibi railway station per dhamake ke natejay main 14 afraad janbahaq aur darjano zakhmi ho gaye jabke dhamake ki zimedari united baloch armi nami tanzeem ne qabool karli,

Report ke mutabiq deputy commissioner ka kehna hai ke quetta se rawalpindi jane wali jaffar express jese he sibi railway junction per ponchi to ek zordar dhamaka ho gaya jis ke natejay main 14 afraad janbahaq aur 42 zakhmi ho gaye,

dhamake main janbahaq hone wale afraad ka taluq ek he khandan se hai dhamake ke natejay main train ki ek bogi mukammal tor per tabaah jabke train ki deegar bogiyon main aag lag gayi,

World T20 SriLanka Ne india Ka Guroor Khak Main Mila Diya

Mirpur: Srilanka ne ba-Aasani india ko 6 wicket se shikast de kar 1st time world T20 ka title apne naam kar liya,

Bangladesh ke shehar mirpur ke sheer bangla stadium main khele gaye final main sri lanka ne toss jeet kar india ko pehlay batting ki dawat di to total 20 overs main indian team 4 wicket ke nuqsaan per 130 runs bana saki jabke srilankan team ne bhi 4 wicket ke nuqsaan per 18 over main ba-Aasani total hasil kar liya,

Smart Contact Lens

Pichlay dino google ne contact lens banane ka Aelaan kiya jo Ansoun ya Ankhon ki nami main glucose ki maqdaar janchega,

yeh Ejaad duniya bhar main diabetes ke patients ke liye nihayat faida mand sabit hogi kyun ki contact lens main lagay ek chote se gluco meter aur wireless transmitter ki wajah se ab diabetes ke patient apni ungliyaan shedne se bach jayenge.

Diabetes ke patients ko baaz Ouqaat din main kafi martaba apni diet ke lihaz se blood main sugar ki miqdar maloom karne ki zaroort paish Aati hai iss ke liye patient ke jism se mamooli miqdar main blood nikal kar makhsoos tool se iss main glucose ki janch ki jati hai

Iss contact lens ki tayyari main google ko 18 maah ka arsa laga hai google duniya main technology ki madad se inqlabi tabdeeliyaan laane ke liye apni khidmaat anjaam de rha hai aur iss maidaan main mukhtalif tajurbaat kar rha hai

Iss lanse ki tasveer per investigation ka silsila chand baras pehlay university of washington main bhi start hua tha aur project per national science foundation ke tehat experiences hue thy

Iss ke elawa bhi mukhtalif department diabetes se relate chote tools ready kar chukay hain,

Google ki yeh ejaad ek normal contact lens ki tarah hai lekin apne kaam ke Aitbaar se nihayat eham hai lens ki teho ke darmiyaan glucose sensor hoga

Sensor ke sath hazaroon bareek transmitter moujood hain iss ke elawa lense main baal se bhi bareek ek antenna moujood hai-chip aur sensor ek zarry ke brabar hain lense main lage tools fiza main moujood lehroon se tawanai hasil karte hain

In intehai bareek tools aur wires ko apas main munsalik karna nihayat mehnat talb kaam tha isey glucose napnay wala sub se chota meter kaha ja sakta hai scientist yeh koshish bhi kar rhe hain ke lense main aesi choti lines lagai jayen jo glucose ki maqdaar mamool se kam ya zyada hone per warning jaari karen,

Ankhon main lagaye jane per yeh lense batayega ke blood main sugar kitni hai aur ab patient ki dawa ka waqt ho gaya hai ya usey metha khane se parhez karna hai

yeh lense har second per glucose ki maqdaar janch sakengey iss se relate ibtedai experiences complete ho chukey hain ta’hum isse 5 saal baad market main laya ja sakega lekin khamiyaan bhi samne aai hain jinhain door kiya jayega

scientist ki iss koshish ko sarahne ke sath mahreen sehat ne iss bat per zoor diya hai ke tool  ki madad se drust or bar’waqt maloomat ko yaqeeni banana hoga iss main kisi qism ki galti aur nuks ki gunjaish nahi..

Security Khadshaat Ke Bais Mazar-e-Quaid Main public Entry bund

Karachi: Security khadshaat ke peshe nazar Mazar-e-Quaid main ta’hukum sani cars aur bikes ki entry per pabandi kar ke police aur rangers ki nafri ko tainaat kar diya gaya jabke 3 din tak public entry per pabandi aaid kardi gai hai,

Report ke mutabiq Mazar-e-Quaid Security khadshaat ke peshe nazar police aur rangers ki bhari nafri tainaat kardi gai hai iss hawale se SHO brigade gulam nabi afridi ne tasdeeq karte huwe bataya hai ke ibtedai tor per Mazar-e-Quaid ke ander cars aur bikes ki entry per ta’hukum sani pabandi aaid kar di gai hai jabke Mazar-e-Quaid aane walo ko kisi bhi qism ka thela ya bag lekar aane per pabandi hogi,

police officers ka kehna hai ke Mazar-e-Quaid ki parking area main car ya bike ke zariye dehshat gardi ke mumkina hamle ki information mili hain jis ke bais sakht hifazati iqdamaat kiye gaye hain

Mazar-e-Quaid ko 3 din ke liye public entry per pabandi aaid ki gayi hai brigade police ka kehna hai ke Mazar ki intezaamiah se baat cheet chal rhi hai aur mushawarat ke baad mazeed security ka jaiza lete huwe mazeed iqdamaat kohatmi shakal di jayegi

Lahore main bhi Mazar-e-Iqbal ko security khadshaat ki waja se bund kar diya hai,

karachi Main Matric Aur Inter Ke Exams Ke Douran Dafa 144 Nafiz

examKarachi: Sindh Government ne matric aur intermediate ke exams ke moqe per dafa 144 nafiz karte huye intehani marakiz ke qareeb photocopy state machines chalane per pabandi aaid kardi,

Report ke mutabiq sindh government ne karachi main ainda maah start hone wale matric aur intermediate ke exams ke moqe per copy ke khaatmay ke liye dafa 144 nafiz kardi hai,

iss ke tehat imtehani marakiz ke itraaf 100 matric tak 4 se zaid gair mutalqa afraad ke jama hone per pabandi hogi iss ke elawa imtehani marakiz ke qareeb photocopy state machines ke istamaal per bhi pabandi hogi,

Iss moqe per kissi bhi soorat-e-haal se nimatne ke liye sindh government ne police aur rangers ko bhi khusoosi ahkamaat jari kiye hain aur agar koi bhi inn exams ke douraan garh barh karta paya gaya to uss ke khilaaf muqadma bhi darj kiya jayega,

Lahore Airport Per PIA Ki Madina Se Aane Wali Parwaz Ki Emergency Landing

Lahore: Ba-kamaal log la-jawab service PIA ki madina se aane wali parwaz ki allama iqbal international airport per hangami landing,

Report ke mutabiq PIA ki parwaz madina airport se 500 passengers ko lekar Aa rhi thi ke douran-e-parwaz plane ka front wheel jam ho gaya jis per pilot ne control tower se contact ke baad airport per emergency nafiz kardi gayi,

plane ki emergency landing ke baad androon aur bairoon mulk jane wali deegar flights ka schedule bhi mutasir ho gaya jabke mutasira plane ko runway se trolley ki madad hataya gaya,

News

Karachi
March 2024
M T W T F S S
« Mar    
 123
45678910
11121314151617
18192021222324
25262728293031