Sport

Foot Ball World Cup 8 Teams Ne Quarter final Main Jaga Bana Li

Brasilia: Foot Ball Ki Aalmi Jung Main 8 Teams Ne Quarter final Main Apni Seat Pakki Karli Hai,

July 4th se start hone walay quarter final round ke pehlay match main france aur german player pakistani time ke mutabiq rat 9 bajy ground main utraingey,

Knockout round main france ne nigeria jub’ke germany ne algeria ko wapsi ka ticket thama diya.
Din ke 2nd match main brazil aur colombia ki teams pakistani time ke mutabiq raat 1 bajy mad’muqabil hongi,

World Cup Trophy ki mazboot umeedwaar aur maizbaan team brazil ne chile ke khilaaf penalty shoot-out main 2 ke muqablay 3 goal se victory samait kar quarter final main rasaie hasil ki to colombia ne uruguay ko hara kar aglay round main seat pakki ki,

july 5th ko honay wala 3rd quarter final argentina aur belgium ke bech pakistani time ke mutabiq raat 9 bajy start hoga.

Laynl Massey ki team argentina ne pre-quarterfinal round main switzerland ko zeer kar ke kamyaabi ka safar jaari rakha,

Belgium ke players ne bhi america ko shikast de kar quarter final main jaga banai jub’ke last quarter final raat 1 bajay netherlands aur costa rica ke bech khela jayega,

Knockout stage main na’qabil shikast netherlands ne mexico jub’ke costa rica ne greece ko shikast de kar aglay round main rasaie hasil ki…

Hoshyaar Baash Gullo Butt Phones Main Bhi Tor Phor Karne Ponch Gaya !

Mobile Phone Sarfeen Hoshyaar Baash. Model Town Main Tor Phor Karne Wala Gullo Butt Un Ke Phones Main Bhi Tor Phor Karne Ponch Gaya Hai,

Gloogle play store per Gullo Butt ke naam per bani ”game google” guzishta roz hi Introducing karai gai hai jisay abb tak hazaron afraad download kar chuke hain,

Game main bhaari mushoon wala Gullo Butt nayi naweli gariyon ko tehas nehas karta dekhai deta hai aur maze ki baat yeh hai ke yahan bhi Gullo Butt ke ird-gird police ahlkaron ki fouj zafar mouj hai jo khamosh khari dekhai deti hai,

Gullo Butt jitni gariyon ki head lights aur mirrors toreyga game khelney walay ko utne hi number milengay game ko google play store per pasand karne waley Fans ki tadaad main dhara dhar izafa ho raha hai..

Chile Ne Spain Ko 2-0 Se hara Kar World Cup Se Bahar Kar Diya

Brazil Main Jaari World Football Cup Ke Ek Match Main Chile Ne Mojouda Champion Spain Ko 2 Goal Se Hara Kar 2014 Ke World Cup Se Bahar Kar Diya,

Chile ne dono goal kheel ke First half main kiye.
Spain ki team koi goal na kar saki chile ki taraf se pehla goal Vargas ne 19 mint aur dosra goal Arun guyz ne 43 mint main kiya,

Wazeh rahay ke spain apna pehla match holland se 5-1 se hara tha..

Pakistan Ne Asian Squash Championship Ka Title Jeet Liya

National Players Ne Apne Aezaaz Ka Kamyaab Difaa Karte huwe Fatohaat Ki Tadaad 14 Kar Li,

Asian Squash Federation ke zar-e-ahtimaam 17th event hong kong main huwa.
Team event main pakistani players ne zabardast kheel pesh kiya unhone apne aezaaz ka kamyaab difaa karte huwe 14th time title apne naam kiya,

Faisla kun marke main malaysia ko 2-1 ki shikast howi pakistan ki faatehh team main Danish Atlas, Farhan Mehboob, Nasir Iqbal, aur Farhan Zamaan shamil thy..

Foot Ball World Cup: England Aur Italy Ki Teams Aaj Mad’Muqabil hongi

Foot Ball World Cup Main England Aur Italy Ki Teams Aaj Apne Group Ke Eham Match main In Action Ho Rahi Hain,

Aaj hone waley group ke eham match main england aur itly ki teams mad’muqabil hongi dono teams abhi tak 24 baar amne samne Aa chuki hain jis main england ko 8 baar kamyabi hasil hui aur 9 baar Italian team ko fateh ka aizaaz hasil hua jub’ke 7 matches draw huwy,

Tournament main apne pehlay group match main fateh ke liye dono teams ne apni tayariyon ko Aakhri shakal de di hai,
Hareef teams 25veen baar foot baal ground main ek dosre ko zer karne ke liye in action hongi.

English team ke captain Stephen jyrad ka kehna hai ke Stryker Danny Uylbyk mukammal fit ho chuke hain aur aaj ke match main apni salahiyateain dekhayengay,

Dosri janib Italian team ke captain ne pehlay hi haul main english team ko thikaney lagane ka dava kiya hai.
itly ki team main Mario bylatuly aur Daniel D. Rusi apni behtreen performance dekhaney ke liye pur azam hain..

Asian Snooker Championship Mian shirkat Ke Liye National Team 25 April ko Rawana hogi

Lahore: Asian Snooker Championship mian shirkat ke liye National Team 25 April ko United Arab Emirates Rawana hogi,

National Snooker team 3 players per mushtamil hai jis main national champion Mohammad Asif toba , Hamza Akbar aur Sajjad Iqbal shamil hain jabke haji Abdul Rasheed manager ke faraiz anjaam dengay,

Championship 26 april se 3 may tak United Arab Emirates main kheli jayegi jis main shirkat ke liye team 25 april ko rawana hogi,

Training Camp karachi main jaari hai jis main players ka kehna hai ke woh tournament main apni bharpoor salahiyatoon ka muzahira karte huwe qoum ko mayoos nahi karengay..

Big Three Himayat, Rubber stamps Aaj Lagai jayegi

Lahore: PCB ki janib se big three ki himayat ke faislay per rubber stamps aaj lagai jayegi management committee ke arkaan lahore main sar’jor kar bethengay, Chief selector aur head coach ki appointment samait mukhtalif umoor per bhi gour hoga,

Report ke mutabiq PCB ki management committee ka ijlaas budh ko gaddafi stadium main hoga Najam Sethi sadarat karengay ‘ sabiq captain Zaheer Abbas ‘ sabiq chairman shehriyaar khan ‘ sabiq chief selector Iqbal Qasim ‘ sabiq manager Naveed Akram Cheema aur islamabad Region ke sadar Shakil Sheikh bhi moujood honagy,

Iss moqay per big three members ki conditional support ke faislay ki details se inform kiya jayega india ke sath UAE main possible series ke hawalay se baat cheet hogi,

Rashid Latif ki taraf se Chief selector post thukraye jane ke baad peda honay wali situation per gour karte huwe mukhtalif names per gour kiya jayega,

Zaraye ke mutabiq selection committee ki sarbarahi ke liye moin khan mazboot umeedwar hain management committee ke members head coach ke liye Waqar younus samait mukhtalif options per gour karengay,

Foreign fielding coach aur trainer ki khidmaat hasil karne per bhi baat cheet hogi zaraye ke mutabiq jonty rhodes se mukhtasir muddat ke contract ke liye contact kiya ja sakta hai,

World Cup 2015 ki tayari ke liye National cricketers ka ek pool tayar kar ke Abbottabad main conditioning camp lagane per bhi tabadla-e-khayal hoga..

World T20 SriLanka Ne india Ka Guroor Khak Main Mila Diya

Mirpur: Srilanka ne ba-Aasani india ko 6 wicket se shikast de kar 1st time world T20 ka title apne naam kar liya,

Bangladesh ke shehar mirpur ke sheer bangla stadium main khele gaye final main sri lanka ne toss jeet kar india ko pehlay batting ki dawat di to total 20 overs main indian team 4 wicket ke nuqsaan per 130 runs bana saki jabke srilankan team ne bhi 4 wicket ke nuqsaan per 18 over main ba-Aasani total hasil kar liya,

T20 World Cup: Kohli Aur Raina Ne India ko Jitwa Diya

Bangladesh main khelay jane waley T20 world cup ke ek important match main india ne pakistan ko 7 wicket se khikast dedi virat kohli aur suresh raina ne apni team ki fateh main acha kirdar ada kiya,

Mirpur: mirpur ke sher bangla stadium main khelay ja rhe ek eham match main india ne pakistan ke khilaaf toss jeet kar pehlay fielding ka faisla kiya tha jo intehai sood mand sabit hua,

Indian bowlers ne apni bowling se kisi bhi pakistani player ko jam kar khelne ka moqa faraham na kiya aur pakistani team ne total 20 overs main india ko 7 wicket ke nuqsaan per 131 ka target diya jo indian players ne buhat asaani se pora kar liya,

Suresh raina aur virat kohli ne shandaar partnership ki badoulat team main eham kirdar ada kiya virat kohli ne 36 jabke suresh raina ne 35 runs ke sath not out ki innings kheli

World T20 Warm up Match Pakistan Ne New zeland ko 7 Wicket se Hara diya

Dhaka: World T20 warm up match main pakistan ne new zeland ko 7 wicket se shikast dedi,

pakistan ne total score over ki 4th ball per hasil kiya-dhaka main khely jane waly match ka toss new zeland ke captain brendon mccullum ne jeet kar betting ka faisla kiya,

New zeland ne 20 overs main pakistan ko 146 ka target diya- new zeland ke captain brendon mccullum ne 59 runs banaye aur Colin Munro ne 20 aur Martin Guptill ne 11 runs banaye pakistan ki janib se Umer Gull ne 3 Muhammad talha ne 2 Saeed Ajmal Sohail Tanvir Bilawal Bhatti ne 1,1 wicket hasil ki,

Jawab main pakistan ne total score 3 wicket ke nuqsaan per last over ki 4th ball per poora kar liya pakistan ki janib se opnar ne shandaar Aagaz farahm kiya Sharjeel Khan sirf 12 runs bana kar out ho gaye,

Iss ke baad muhammad hafeez aur kamran Akmal ne zimedarana betting karte huwe half centuries banai Muhammad hafeez ne 55 aur Kamran Akmal ne 52 runs banaye,

News
Karachi
December 2018
M T W T F S S
« Mar    
 12
3456789
10111213141516
17181920212223
24252627282930
31